Skip to content

Disfrázate dos animais de Bebé Gadis

disfraces de animais para entroido, coello

Para todos eses peques que adoran disfrazarse todos os días, xa está aquí o entroido! Unha das datas máis agardadas por nenos e maiores onde a emoción e a creatividade están presentes nas casas.

Se aínda non sabes de que disfrazarvos este ano, nós temos unha proposta: os animais de Bebé Gadis.

Aquí tes un paso a paso para facer estes disfraces caseiros para nenos. É un traballo moi divertido que podes facer con materiais sinxelos e económicos. Comecemos!

Disfrace de coello caseiro paso a paso

Para disfrazar o teu peque da coelliña Inés, tan só precisas os seguintes materiais:

  • Un suadoiro e malla ou chándal branco
  • Felpa rosa
  • Cola quente
  • Feltro rosa e branco
  • Diadema
  • Pompón rosa

O primeiro paso será pegar, coa axuda da pistola de cola quente, toda a felpa rosa no suadoiro branco, agás na zona do peito, onde despois faremos o ventre do coello.

Para a zona do peito, empregaremos o feltro rosa. Cortamos un óvalo e cosémolo á parte dianteira do suadoiro, no anaco que deixamos sen recheo, e xa temos feito o ventre.

¿E como facemos as orellas? Dunha maneira moi sinxela. No feltro branco, debuxamos a forma das orellas e recortámolas. Logo, facemos o mesmo co feltro rosa, pero agora, a forma será máis pequena para crear a zona interior da orella. Pegamos o feltro rosa sobre o branco e só nos faltaría engadilas na diadema.

Para rematar, cosemos o pompón rosa á parte traseira do chándal do noso peque para facer a cola do coello.

Se queres completar o disfrace con algún complemento, podes facer con feltro laranxa e verde a forma dunha cenoria, engadirlle algún detalle e, se lle pos un fío, poderás colgarllo a modo de colar. Ademais, no noso apartado de “en familia“, podes descargar unha máscara como esta da coelliña Inés.

Máscara de coello para disfraz de animal

Disfrace de león caseiro paso a paso

Se queres que o teu peque sexa o rei da sabana este entroido, consegue estes materiais para facer o disfrace do noso león Alex.

  • Mallas e suadoiro ou chándal color beige ou crema
  • Feltro marrón
  • Tea polar marrón, amarela, dourada
  • Elástico de 2,5cm
  • La marrón
  • Recheo de coxín
  • Cola quente

Comecemos polo corpo do león. No feltro marrón creamos e cortamos un óvalo do tamaño do ventre do noso pequeno. Logo, pegámolo e cosémolo á parte dianteira do suadoiro, na zona do estómago.

Agora vamos a facer o máis divertido, pero tamén custoso, a melena do león! Primeiro, medimos a cabeza do noso peque de arriba a abaixo e ao ancho. Con esas medidas, cortaremos o elástico, uns centímetros menos para que se axuste á cabeza. Cubrimos este elástico con tecido polar amarelo.

Cortamos en tiras toda a tea polar marrón, amarela e dourada para facer a pelaxe do noso león. A nosa recomendación é que non sexan inferiores a 5cm nin máis de 10cm de lonxitude. Cando xa as teñamos, podemos coselas ou pegalas ao elástico mesturando as cores. Cosemos os extremos da cinta para darlle forma á banda.

Só nos queda a cola. Cortamos un anaco da tea polar marrón, tan longo como queiramos e con un ancho suficiente como para coser os bordes, deixando espazo para introducirlle o recheo para coxíns. Para rematar, engadimos la marrón á punta para facer o pelo da cola.

Cosemos a cola a parte traseira do chándal do peque, e xa está listo!

Se queres que o teu peque pegue un bo ruxido, engade ó disfrace a máscara do león Alex, dispoñible na nosa páxina.

Máscara de león para disfraz de animal

Disfrace de oso paso a paso

A osa Camila é o terceiro animaliño de Bebé Gadis do que nos podemos disfrazar. Os materiais que precisamos para facelo son:

  • Mallas e suadoiro ou chándal marrón
  • Feltro marrón e beige
  • Felpa marrón
  • Recheo de coxín
  • Unha diadema
  • Cola quente

Primeiro cubriremos a roupa coa felpa marrón. Pegámola coa cola quente a toda a roupa, menos na zona do ventre, onde despois poñeremos feltro.

Unha vez rematada a pelaxe do oso, comezaremos a elaborar as orellas. No feltro marrón, facemos as orellas do oso con forma redondeada. Recortamos 4 pezas, 2 para cada orella, e cosémolas. Logo, enchémolas co recheo do coxín para darlle máis volume. Cando estean listas, podemos pegalas á diadema.

Volvemos á parte do corpo do oso. No feltro beige debuxamos e recortamos un óvalo que tape o espazo que deixamos sen felpa e cosémolo ao suadoiro.

Para rematar, cortamos dúas tiras longas de felpa do mesmo tamaño e cun grosor dabondo como para coser os extremos e meter recheo. Cando teñamos a cola xa cerrada polos dous lados, cosémola á parte traseira do pantalón do noso peque.

Tamén podes completar o disfrace da osa Camila coa súa propia máscara, é moi sinxela de recortar! Pódela descargar nos xogos da nosa páxina

Máscara oso para disfraz de carnaval

Disfrázate con Bebé Gadis

¿Que vos parecen estas ideas? Os disfraces de animais son os mais populares e divertidos, e, dende Bebé Gadis, queríamos ensinarvos a nosa proposta.

Se decides facer algún dos nosos disfraces, asegúrate de axustar o tamaño das orellas e outros elementos dependendo da idade e preferencias do/a neno/a.

Feliz entroido dende o equipo de Bebé Gadis!

Comparte esta noticia