Skip to content

Precaucións na manipulación dos alimentos no embarazo

Para evitar estas infeccións alimentarias debemos seguir unha serie de recomendacións. De seguro que algunha de estas medidas xa as tomades mesmo sen estar embarazadas

-Lava ben a fondo froitas e verduras, evita deixalas a remollo para que non perdan nutrientes. Lavar ben as mans despois de manipular alimentos crus (igual que despois de ir ao baño, tocar un animal…)

-Limpa ben os utensilios de traballo na cociña.

-Cociña ben as carnes, pescados e ovos.

-O mesmo que o toxoplasma morre na conxelación, a listeria resiste moi ben o frío (destrúese ao cociñar). Por iso todas as semanas habería que limpar ben a neveira (con auga que leve lixivia).

-Envasa ben os alimentos fráxiles (carnes, pescados, pratos preparados) e ponos nas zonas máis frías da neveira.

-Garda os restos de alimentos cociñados, unha vez están fríos, na neveira e se non os consomes en 24 h, tíraos.

-Separa ben, na neveira, os alimentos crus dos cociñados.

-Revisa as datas de caducidade dos alimentos.

-No desconxeles os alimentos a temperatura ambiente senón na neveira.

-Non elabores salsas con alimentos crus, ovo, marisco, ovas de pescado, etc…

Comparte esta noticia