As verduras, como as froitas, son imprescindibles na alimentación de nenos e adultos xa que achegan vitaminas e minerais e son, tamén, os alimentos que conteñen máis auga.
Afacerse a comer vexetais desde ben pequenos é de vital importancia, pero en Bebé Gadis sabemos que, ás veces, introducilos nas comidas dos nosos peques é unha tarefa complexa.
Con esta receita de albóndegas de brócoli non só facilitaremos o consumo de verduras, senón que aumentaremos a súa inxesta naqueles pequenos que lles custa un pouco comelas.
Beneficios do brócoli e das patacas para os bebés
O brócoli e mais as patacas son alimentos ricos en nutrientes que axudan o crecemento dos nosos peques.
Actualmente podes atopar todas as froitas ou verduras en calquera época do ano, aínda así, aconsellamos consumir sempre produtos de tempada. O brócoli comeza a ser estacional no mes de outubro, polo que é unha opción perfecta para as túas receitas de inverno!
O brócoli é unha gran fonte de vitaminas A, C e K, que dan aos nosos peques a suficiente enerxía diaria. É rica en calcio e potasio, e ten un baixo aporte calórico, polo que contribúe a crear bos hábitos alimentarios.
Ademais, entre as súas propiedades tamén está o seu alto contido en ferro, que axuda a previr enfermidades, como a anemia, ao aumentar a produción de glóbulos vermellos. Para bebés maiores de 6 meses, axuda a previr estreñimiento grazas á fibra e ao seu alto contido en auga.
Por outra banda, as patacas conteñen hidratos de carbono, fibra, vitaminas C e do grupo B. Todas elas aportan a enerxía necesaria para o organismo e o metabolismo. Tamén ten nutrientes como o ferro e o calcio, imprescindibles para o crecemento e o bo desenvolvemento dos máis pequenos.
Imos preparar as nosas boliñas de brócoli!
Ademais do brócoli, os ingredientes que necesitaremos para facer estas saborosas albóndegas son:
Se algún dos membros da familia é celíaco, cambiaremos a fariña de trigo pola fariña de garavanzos ou maicena, para que todos poidan desfrutar destas albóndegas.
Podes atopar este tipo de fariña no teu supermercado Gadis máis próximo.
Primeiro: cociñar os nosos ingredientes principais
O primeiro paso da nosa receita é pelar e cortar a pataca pola metade. Fervemos uns 15 minutos ata que estea branda.
Mentres se cociña a pataca, lavamos o brócoli e cortámolo en anacos pequenos, quitando a maior parte do talo. Tamén imos ferver o brócoli, pero só uns 4 minutos ou perderá as súas propiedades.
Unha vez cocidos os dous ingredientes, escorrémolos. Trituramos o brócoli na medida do posible, podes usar unha picadora se o prefires.
As mans á masa
Nun recipiente, engade a pataca e esmágaa. Despois engadimos o resto dos ingredientes: brócoli, ovos, queixo, fariña, sal e especias. Mesturamos todo ata que teñamos unha masa homoxénea.
Cando a teñamos, tapamos o recipiente e deixamos repousar na neveira uns 30 minutos aproximadamente. Con isto faremos que a masa espese e sexa máis sinxelo facer as boliñas.
Damos forma ás nosas albóndegas e poñémolas no forno!
Mentres facemos a forma redondeada característica das albóndegas, prequentamos o forno a 200º. O teu peque pode acompañarche e axudarche neste paso.
Se xa temos as nosas albóndegas, só queda cociñalas! Poñémolas no forno uns 20-30 minutos aproximadamente, ata que vexas que están douradas. No proceso, debemos xiralos para que esten feitos por todos os lados.
Pasado o tempo sacámolos do forno e servimos nun prato coa guarnición que máis nos guste.
Se queres darlle máis sabor, podes engadirlle un pouco de salsa de tomate caseira.
Agora só queda gozar desta rica receita coa túa familia. Comparte o resultado connosco co hashtag #ReceitasBebeGadis
