Actividades para nenos de 0 a 3 anos

Actividades para nenos con pintura

A motricidade fina é unha habilidade fundamental no desenvolvemento infantil, estreitamente ligada ao desenvolvemento cognitivo. Traballar esta habilidade na casa permítelles adquirir autonomía nas actividades da súa rutina diaria.

Estimular a motricidade fina dos nosos pequenos mediante actividades que requiren precisión manual pode ser divertido e creativo. Xogar con plastilina, facer traballos manuais, debuxar ou manipular pequenos xoguetes son excelentes formas de mellorar o desenvolvemento cognitivo mentres os nenos o pasan en grande.

No blog de hoxe ensinámosche diferentes tarefas que podes facer na casa para traballar no desenvolvemento do teu pequeno.

Actividades para nenos de 0-1 anos

Debuxar animais coas mans

Con pinturas e a axuda das súas mans, faremos diferentes animais e crearemos unha auténtica granxa na casa, ou unha selva!

Para levar a cabo esta actividade, só precisamos dous materiais: pinturas comestibles e follas de papel. Imos comezar!

Nun prato botamos a cor do animal que imos crear. Deixamos que o noso bebé manche a súa man de pintura. Se non é capaz de facelo só, podemos guialo nós mesmos.

Unha vez manchada a man de pintura, poñémola na folla e damos renda solta á creatividade completando o debuxo con ollos, boca, peteiro e rabo para crear o animal que máis nos guste. Aquí vos deixamos algunhas ideas: unha galiña, un peixe ou un mono.

Pintar un cadro

Unha boa maneira de fomentar a autonomía dos nosos bebés é a seguinte idea: pintar un cadro eles sós!

Os materiais que precisamos son: pintura infantil para os dedos, unha folla de papel ou lenzo e unha bolsa de plástico ou hermética.

O primeiro paso será poñer gotas de pintura por todo o lenzo ou folla de papel. Despois, poñémolo na bolsa hermética ou cubrímolo con plástico e pechamos para que non escape pintura.

Unha vez listo, dámosllo ao noso pequeno para que comece a tocar todo o plástico, espallando así a pintura por todo o lenzo. Se o colocamos no chan, o pequeno poderá empregar outras partes do seu corpo, como os pés, para pintar. Como ten plástico, non se ensuciará.

Ao rematar, retiramos coidadosamente o lenzo e quitamos o exceso de pintura. Deixamos secar e xa temos preparada a obra de arte para colgar na casa.

Actividades para nenos de 1 a 2 anos

Selos caseiros con patacas

Para facer estes selos tan caseiros só necesitaremos: follas de papel, pintura, pinceis, patacas e un coitelo.

Cortaremos as patacas pola metade e, por dentro, faremos a forma que queiramos, coa axuda do coitelo. Unha vez teñamos a forma, o noso pequeno poderá comezar a pintalas coa axuda do pincel. Cando remate, teremos que estampar rapidamente a pataca na folla de papel para que quede marcado o debuxo, e xa teríamos os nosos selos personalizados!

Trátase dunha actividade sinxela na que o pequeno pode entreterse durante horas vendo como queda a forma da pataca sobre o papel. E, se quere cambiar a cor do selo, só temos que pelar esa zona para quitarlle a cor ou facerlle a mesma forma a unha pataca nova.

Actividades para nenos con patacas

Coñecemos as partes do noso corpo con diferentes texturas

A esta idade os nenos comezan a explorar e interpretar o mundo e o seu corpo a través de experiencias sensoriais. Unha boa tarefa para que o teu pequeno coñeza distintas texturas mentres identifica as partes do seu corpo é o que imos detallar a continuación.

O primeiro que imos necesitar son: follas de papel ou cartón, pegamento e diferentes materiais que podemos atopar na casa como macarróns, algodón, papel pinocho, cereais…

Debuxaremos a forma das mans e dos pés do noso pequeno, plasmándoas en follas de papel. Cubrirémolas con cola e, coa nosa axuda, deixaremos que o peque cubra cada unha das mans e dos pés cun material diferente.

Cando estean ben pegados, poderá comezar a súa experiencia sensorial. Deixa que o/a neno/a toque cada un deles para estimular o tacto e coñecer, á súa vez, dúas partes vitais do seu corpo.

Actividades para nenos de 2 a 3 anos

Crea figuras con plastilina

A partir dos dous anos é a idade recomendada para que os nenos comecen a xogar coa plastilina para desenvolver a súa motricidade fina e traballar a coordinación ollo-man.

Para seguir aprendendo do mundo que os rodea, podemos usar plastilina para recrear alimentos que temos na casa, simulando con eles un restaurante ou un supermercado. Deste xeito, podemos crear alimentos de todo tipo, ensinándolle todas as verduras ou creando pratos como hamburguesas con todos os seus ingredientes.

E, se queremos que coñeza un pouco máis do seu corpo, podemos facer o seguinte: nunha folla de papel debuxamos unha cara. Coa plastilina terás que cubrir as partes da cara como os ollos, a boca, as orellas ou o cabelo.

actividades para nenos con plastilina

O teu nome con papel de cores

A esta idade, a maioría dos nenos saben dicir varias palabras e mesmo formular frases curtas. O seu nome é unha das primeiras palabras que adoitan aprender e, aos tres anos, coincidindo co inicio da escola, é cando comezan a escribilo.

Con papel pinocho de cores, cola e cartolina, faremos o nome do noso pequeno dunha maneira súper divertida.

Primeiro, deixamos que o noso pequeno arrinque o papel de pinocho en anacos. Mentres tanto, recortamos as letras do seu nome na cartolina. Cando rematemos os dous, facemos boliñas cos anacos de papel.

Poñemos pegamento nas letras e, despois, o peque, coa nosa axuda se fose necesario, pegará as bolas unha a unha ata cubrir o interior de todas as letras.

Ademais das palabras, podemos facer esta creatividade con debuxos de animais ou formas. Hai multitude de opcións!

Pasa unha tarde divertida cos teus peques

Aprender a través dos xogos mostra grandes beneficios no desenvolvemento dos máis pequenos, ao tempo que se forxan vínculos coas persoas que os rodean.

Que che parecen estas 6 ideas que podes facer cos máis peques da casa? Na nosa páxina de xogos en familia, poderás atopar descargables para facer máis actividades co teu peque.

Se fas algunha delas, compártea con nós nas redes sociais co hashtag #XogosBebéGadis.

Cómo estimular a linguaxe do teu bebé

Cómo estimular a linguaxe do teu bebé

Os primeiros anos de vida do teu bebé son vitais para o seu desenvolvemento, e a estimulación da linguaxe exerce un papel crucial nesta etapa. Como pais, temos unha labor esencial: fomentar a comunicación temperá e enriquecer o vocabulario para estimular a linguaxe dos nosos pequenos

Etapas do desenvolvemento da linguaxe

Dende o nacemento, o bebé comeza a desenvolver capacidades relacionadas coa comprensión e a expresión da linguaxe. Nestes primeiros anos de vida, podemos diferenciar catro etapas do seu desenvolvemento lingüístico.

Etapa preverbal (0 a 12 meses)

Nesta primeira etapa, o bebé xa comeza a emitir sons, pero aínda non é capaz de pronunciar ningunha palabra.

A través deles comunícase coas persoas que ten preto e mostra as súas necesidades. Os ruídos que emite están vinculados as súas sensacións e reacciona ante as interaccións verbais, mediante gargalladas, chíos, gritos, entre outros.

Cando chegan aos seis meses de idade xa entenden algúns monosílabos, como a palabra “non”, e comezan a balbucir. Neste período, recoñecen a voz dos seus pais e asocia o seu nome coa súa identidade. Ademais, comeza a acompañar os sons con pequenos xestos para comunicarse. O bebé tamén balbuce os seus primeiros sons vocálicos, como “mamama”.

Etapa holofrástica (1 a 2 anos)

Dende o ano, o/a neno/a entra na chamada “fase holofrástica”,  caracterizada por empregar unha única palabra como frase. Durante esta etapa o bebé emite as súas primeiras palabras con significado. Como, por exemplo, dicir “auga” para expresar que ten sede.

A interpretación das holofrases basease na linguaxe non verbal do pequeno e a comprensión do adulto, pois a pronunciación pode ser imprecisa. Aínda que o seu vocabulario é limitado, pode imitar palabras sinxelas.

Cara os dous anos, agárdase que mellore a pronunciación e estenda o seu vocabulario, mesmo facendo referencia a si mesmo para manifestar unha necesidade. O desenvolvemento nesta etapa depende da estimulación da linguaxe por parte dos adultos que o rodean.

Etapa de combinación de palabras (2 a 4 anos)

A partir dos dous anos, comeza unha nova etapa caracterizada pola rápida evolución no vocabulario do pequeno.

Comeza a xuntar palabras simples para formar frases cortas. Aínda que a gramática pode ser limitada, usa palabras clave para mostrar necesidades e desexos, dando prioridade a verbos e substantivos, o que se coñece como fala telegráfica. Ademais, aprende a regular a súa entoación dependendo do que queira comunicar.

As preguntas comezan a ser comúns, froito da curiosidade por coñecer como e por que pasan as cousas ao seu arredor.

Que é e como traballar a fala telegráfica para o desenvolvemento da fala

A fala telegráfica, característica dos nenos a partir dos 24 meses, fai alusión ás oracións breves, de dúas ou tres palabras, como “xoguete meu” ou “mamá auga”, onde só empregan palabras esenciais para expresar o que desexa.

A través da fala telegráfica, o/a neno/a está aprendendo a comunicar as súas necesidades e pensamentos. Para apoiar o desenvolvemento da linguaxe, debemos ter unha conversa con eles que fomente o uso de máis palabras.

Unha actividade moi efectiva para estimular o vocabulario é a lectura conxunta. Cun libro apto para a súa idade, con moitos debuxos e poucas palabras, ensinándolle todo o que hai nas follas e contándolle o que está a pasar no conto.

Etapa avanzada da linguaxe (4 a 6 anos)

É a derradeira etapa do desenvolvemento da linguaxe. Entre os 4 e 6 anos xa teñen unha capacidade da linguaxe parecida á dun adulto, cun vocabulario grande capaz de facer frases máis complexas e manter conversas.

A partir de aquí, vai ir perfeccionando a súa linguaxe e pronunciación, o cal se verá apoiado polo comezo da actividade escolar.

Técnicas para estimular a linguaxe do meu bebé

É moi importante recordar que cada neno é único e, polo tanto, experimentará un desenvolvemento da linguaxe único.

Aínda que a linguaxe é unha habilidade innata, tamén pode ser estimulada por factores externos. Como pais, podemos axudar ao noso peque no seu desenvolvemento lingüístico.

Aquí van algúns consellos prácticos para estimular a linguaxe nos bebés.

Fala co bebé

A pesar de non poder manter unha conversa, recoméndase falarlle ao bebé. Cando o fagas, ponte a súa altura para ter contacto visual. Emprega un ton suave e fai xestos na charla.

Se xa comeza a balbucir, practica o Baby Talk, repetindo as palabras e frases de maneira frecuente para fomentar o seu aprendizaxe.

Ler co teu bebé

Aínda que non saiban falar nin ler, crear unha rutina de lectura estimulará o seu desenvolvemento lingüístico e beneficiará o seu desenvolvemento cognitivo.

Podes elixir libros con imaxes rechamantes e texturas para implicar os seus sentidos. Comentar sobre as imaxes e facer preguntas sinxelas fortalecerá a súa comprensión da linguaxe.

Algúns libros para desenvolver a linguaxe que aconsellamos dende Bebé Gadis son os libros para desenvolver a linguaxe da editorial Bruño. ¡Aquí deixamos uns títulos!

  1. Cómo enseñar a tu cocodrilo a lavarse los dientes.
  2. El baño: ¡Choff!: Los libros de Mim.
  3. Mi primer viaje a la luna.

Gozar da música en familia

As cancións e rimas infantís son excelentes para desenvolver habilidades lingüísticas acompañadas de xestos sinxelos. Isto non só estimula a linguaxe, senón tamén a coordinación man-ollo.

Estimular a fala co Babysign

Os bebés aprenden imitando, polo que a linguaxe de signos é unha ferramenta moi efectiva para estimular a fala.

A partir dos seis meses, cando xa comezan a ter control das súas extremidades, podemos tentar ensinarlles esta técnica, coñecida como baby sign, para que exprese as súas necesidades.

Se queres saber máis sobre a linguaxe de signos para bebés, podes visitar a nosa entrada “Baby sign: linguaxe de signos para bebé”.

A estimulación temperá, a interacción continua e un entorno rico en linguaxe contribúe ao desenvolvemento saudable da linguaxe nos nenos.

Ollar e celebrar cada pequeno logro nestas fases é fundamental para apoiar o crecemento lingüístico dos pequenos aventureiros da linguaxe.

Receita ravioli sen glute de xamón e queixo

receta raviolis sn gluten caseros

Na casa encántavos a pasta, pero un dos membros da familia é intolerante ao glute? Hoxe traemos un súper prato para que poidades desfrutalo todos xuntos, ravioli, un dos pratos preferidos dos mais pequenos.

Ademais de preparar un xantar delicioso, neste blog vamos a amosar como facer pasta fresca na casa de maneira sinxela. Para o recheo, en Bebé Gadis eliximos xamón e queixo, pero podedes escoller o que máis vos guste.

Os ingredientes que precisamos, tanto para a elaboración dos ravioli como para o seu recheo son:

ingredientes receita de ravioli sen glute

No teu supermercado Gadis máis próximo poderás atopar todos os produtos citados nestas receitas sen glute.

Como facer pasta fresca sen glute

Ímolo pasar en grande ao compartir tempo na cociña cos nosos peques ao mesmo tempo que aprenden a traballar en equipo. Con esta receita de ravioli sen glute volveranse auténticos cociñeiros, facendo a masa da pasta e mesturando os ingredientes para preparar o recheo. Mans á masa!

O primeiro paso é facer a masa da pasta. Botamos a fariña por enriba do mesado é facemos con ela a forma dun volcán. No centro, abrimos un oco, e botamos os tres ovos, o sal e o aceite de oliva.

Mesturamos todo, con coidado para non derramar nada, coas mans ou, se o prefires, cun garfo, ata que quede unha masa homoxénea e elástica. Se nos está quedando pegañenta, engadimos pouco a pouco máis fariña ata lograr a textura que queremos.

Unha vez a masa está lista, facemos unha bola con ela. Metémola nun bol que cubrimos cun pano e deixamos repousar na neveira uns 30 minutos aproximadamente.

Mentres a masa repousa, podemos ir elaborando o noso recheo de xamón e queixo.

Recheo para ravioli de xamón e queixo

Nun bol, botamos o xamón en taquiños, queixo mozzarella, queixo crema, perexil, sal e pementa ao gusto. Se ao teu peque non lle gusta este tipo de xamón, pódese cambiar por xamón cocido en anacos.

Remexemos ben ata que todos os ingredientes estean mesturados. Nesta elaboración, podemos deixar que os nosos pequenos boten unha man remexendo eles os ingredientes.

A facer ravioli!

Pasado o tempo, retiramos a masa da neveira e partímola en porcións máis pequenas. Botamos fariña no mesado de traballo para que non se pegue a masa e, a continuación, podemos comezar a estirar cada anaco cun rodete ata conseguir que a masa teña, máis ou menos, un grosor de 1 mm.

Cando teñamos as porcións estiradas, poñemos pequenas cantidades do recheo que preparamos nunha das láminas de pasta, deixando un oco entre eles.

Con outra lámina de pasta, cubrimos por enriba e formamos os ravioli. Apertamos lixeiramente arredor de cada porción de recheo e cortamos cun cortador especial ou un vaso para obter a forma que queiramos. Cerramos as esquinas coa axuda dun garfo e, voilá!, xa os temos.

Cociñar os raviolis

Os ravioli son unha pasta que só precisa duns minutos de cocción para estar lista.

Nunha pota, botamos moita auga, un pouco sol e aceite de oliva e deixamos que ferva. Cando chegue a ebulición, engadimos os ravioli e deixamos que se cociñen tan só 4 minutos, ou ata que floten na superficie.

Bo proveito!

Sirve os ravioli recheos de xamón e queixo coa túa salsa preferida e un pouco de queixo relado por enriba, estarán deliciosos!

Esta receita de ravioli sen glute é unha opción ideal para un xantar en familia. Dende Bebé Gadis, esperamos que desfrutes facéndoos tanto como desfrutarás coméndoos.

Se fas este prato, comparte a túa foto con nós en redes sociais co hashtag #ReceitasBebéGadis

E, se queres probar novos pratos, no noso blog poderás atopar outras receitas aptas para celíacos como a pizza con base de coliflor.