Cando te quedas embarazada vanse producir moitos cambios no teu corpo, un deles pode dar lugar a un problema de estrinximento. Isto chega a afectar a un terzo das embarazadas, volvéndose unha molestia bastante común nesta etapa. Para que saibas que pode aumentar as probabilidades de padecer estrinximento e como previlo, segue lendo, dende Bebé Gadis contámosche máis para axudarte a levar o embarazo un pouquiño mellor.
Causas do estrinximento no embarazo
Existen varias causas que poden provocar un aumento do estrinximento durante o embarazo. A máis destacable é debido ao aumento natural dunha hormona: a proxesterona. Esta hormona provoca que o músculo liso do colon reduza a súa actividade e retarde as dixestións, polo que debilita a expulsión de feces.
Canto máis crece o bebé, máis grande será o útero e pode chegar a obstruír levemente certas zonas do intestino. Tamén, a actividade física, segundo vai avanzando o embarazo, tende a verse reducida, algo que inflúe en que o tránsito intestinal sexa máis lento.
No segundo trimestre é común que tomes suplementos de ferro para evitar unha posible anemia. Estes poden provocar estrinximento e cambiar a cor das feces; neste caso, debes acudir ao teu médico/a.
Prevención do estrinximento: consellos
Contámosche algúns consellos que podes utilizar para previr o estrinximento durante o teu embarazo ou polo menos reducir os seus síntomas se chegas a telo:
- Toma moita auga. Durante o embarazo, o intestino absorbe moitos máis líquidos, provocando que as feces sexan máis duras. Se bebes máis auga axudarás a abrandalas e a facilitar a súa expulsión.
- Realiza actividade física. O movemento do corpo axuda ao tránsito intestinal. Saír a camiñar ou realizar algún exercicio de ioga pode axudarche. Descobre máis exercicios no noso blogue sobre rutinas de exercicio sen saír da casa.
- Consome fibra. A fibra é outra aliada. O consumo de froitas e verduras como as ameixas é recomendable para aumentar as defecacións. Se queres saber máis sobre que alimentos tomar durante o embarazo podes ler o noso blogue.
- Podes crear unha rutina e elixir momentos nos que ir ao baño. Tómao con calma, dedícalle tempo e mantente relaxada para evitar tensar os músculos.
Variedade de fontes de fibra
Tal e como comentamos no punto anterior, unha das formas para evitar o estrinximento ou axudar a reducilo é a través dunha boa dieta. Unha alimentación rica en fibra e vitaminas será un dos teus mellores aliados.
Contámosche que fontes de fibra podes comer e algunha idea de receita para incluíla na túa dieta:
- Estes atópanse no pan, o arroz ou a pasta. Podes facer uns Bagels (avea, iogur natural e fermento) para merendar un bo sándwich de marmelada caseira de ameixa.
- Froitas e froitos secos. Uns bos alimentos, cheos de fibra e omega 3. Unha idea moi sinxela é facer unha macedonia con figos, mazá, pera, laranxa e plátano, acompañada de améndoas e un chorriño de zume de limón.
- Entre as opcións con máis fibra podes atopar as espinacas, acelgas, cenorias, repolo ou tomate. Uns macarróns con pesto e cherris é un prato sinxelo e moi saboroso.
- Chícharos, garavanzos ou lentellas son outras opcións que non deben faltar na túa alimentación. Para os días fríos, unhas boas lentellas con verduras son outra idea moi recomendable.
Se te animas a facer algunha destas ideas, podes atopar todos os produtos frescos e saborosos nos supermercados Gadis. Compártea en redes sociais e etiquétanos! @gadis.supermercados
Ademais dos anteriores, hai outros alimentos que conteñen moita fibra e serán os teus aliados para combater o estrinximento durante o embarazo, toma nota!:
Engade estes complementos ás túas receitas e notarás a diferenza! Tamén podes atopalos en Supermercados Gadis.
Esperamos axudarche un pouquiño máis a aliviar o estrinximento a través destes consellos, pero lembra acudir a un especialista médico para coñecer de forma segura que é o que mellor te funcionará a ti xa que, cada persoa e cada embarazo son diferentes.
